Premios Innova-G

Saltar ó contido
 

Promovidos por

Coa colaboración de

PREMIOS INNOVA-G 2012, gañadores da III EDICIÓN

Este venres 26 de outubro de 2012 tivo lugar no Centro de Novas Tecnoloxías de Santiago de Compostela a entrega de premios aos gañadores da III Edición dos Premios INNOVA-Galicia 2012.

Estes premios aos produtos e servizos tecnolóxicos ou de Internet máis innovadores e con maior proxección, así como a empresas, entidades e profesionais do sector TIC, celébranse anualmente e nos mesmos participan as empresas de tecnoloxía, Internet e contidos dixitais galegas. Son promovidos pola Asociación Galega de Empresas TIC -AGESTIC- co apoio da Xunta de Galicia e a Escola de Informática da Universidade de Vigo.

Nesta ocasión, un total de 71 candidaturas repartidas entre as cinco categorías oficiais (mellor Start-up, mellor emprendedor/a TIC, mellor desenvolvemento 2.0, mellor aplicación para dispositivos móbiles e mellor deseño web) presentáronse como posibles merecedoras dun premio que lles serve de apoio institucional, reforzo de marca e imaxe e potencian o seu negocio como se demostrou cos gañadores das dúas edicións anteriores.

Nun acto presidido polo Sr. López Bourio, presidente de AGESTIC, Dª Mar Pereira -Directora da Axencia para a Modernización Tecnolóxica de Galicia AMTEGA- e Dª Amparo González Méndez - Directora Xeral de Promoción de Emprego da Xunta de Galicia, coincidiron en destacar o potencial do sector TIC galego e o apoio institucional inquebrantable ao mesmo, ao ser xa un sector tractor da economía galega, motor da innovación e fonte de emprego para a rexión.

Os gañadores dos Premios INNOVA-G 2012 son:

Mellor start-up galega

Saborplace.com e a súa plataforma de difusión e venda online de produtos ecolóxicos e artesanais, todos eles directamente do produtor: www.saborplace.com

O xurado valorou especialmente o seu apoio ao sector rural de Galicia introducindo as novas tecnoloxías no sector da alimentación do ámbito rural proporcionando a pequenos produtores e artesáns todas as ferramentas necesarias para comercializar os seus produtos en Internet a través de saborplace.com; ser unha Start -Up nova e dinámica, con sede na Coruña, posta en marcha por dúas mozas emprendedoras, un exemplo de como levar unha idea a un plan de negocio e de aí a pola en práctica dunha forma excelente, con gran proxección e velando ao mesmo tempo por valores como: sustentabilidade, comercio xusto, respecto ao medio ambiente, transparencia, ecoloxía e alimentación sa.

http://www.saborplace.com/

Mellor emprendedor/a galego/a TIC

Rosa Conde Suárez (empresa ENTREMETIDOS, consultora de mercadotecnia on-line e comunicación interactiva)

A emprendedora gañadora do Premio INNOVA-G ao mellor emprendedor ou emprendedora 2012 fixo o camiño de volta de Madrid a Galicia o ano pasado para crear a súa propia empresa.

Tras traballar en empresas punteiras do sector da publicidade, comunicación e mercadotecnia online como BBDO, TBWA, Razorfish, e levar contas de clientes como Mercedes Benz, McDonalds, Esteé Lauder, Aquarius, P&G, Lancia...a gañadora, Rosa Conde Suárez, decide desenvolver o seu talento en Galicia e crea na Coruña, Entremetidos, consultora de mercadotecnia online e comunicación interactiva que conta xa cun equipo de profesionais de alto nivel e clientes de importante calado.

http://es.linkedin.com/in/rosaconde

Mellor desenrolo 2.0

Buydeal.é, plataforma de promoción de negocios galegos na rede a través de descontos

Desenvolvida pola empresa de Vigo, Elo Technologies, programada desde cero en distintos leguajes de programación, centrada e focalizada nos descontos en Internet de negocios galegos de lecer, beleza, restauración e tempo libre, cun alcance global e un plan de monetización da plataforma ben definido e pasando dos 30.000 usuarios, o xurado considerou a Buydeal.é como merecedora do premio entre todos os candidatos.

http://buydeal.es/

Mellor aplicación para dispositivos móbiles

PicSound, aplicación que permite facer fotografías sen tocar o dispositivo

Os grandes éxitos en Internet, en mobilidade etc veñen de resolver problemas ou proporcionar solucións sinxelas á vida cotiá. PicSound, a aplicación gañadora nesta categoría, é unha aplicación enteiramente deseñada en Galicia e publicada internacionalmente en varios idiomas, que permite facer fotografías sen tocar o dispositivo, grazas a un sistema programado para ser sensible ao son e totalmente configurable por parte do usuario. Cunha interfaz de coidado deseño e un fácil manexo, PicSound demostra que non temos nada que envexar a outros países en talento para o desenvolvemento de apps exitosas.

PicSound, está dispoñible para iPhone, iPad e iPod Touch. Proximamente tamén o estará para Android. Desenvolvida por Evelb Técnicas e Sistemas, empresa TIC da Coruña.

http://www.evelb.es/evelbapplab/

Mellor desenvolvemento deseño web

Ralizar unha web para unha empresa e que esta a use é todo un reto, integrar todos os departamentos, darlles visibilidade, usuarios e posibilidade de compartir e que se faga é unha gran vitoria. Se ademais ten un deseño coidado, un bo desenvolvemento, unha zona privada e é para unha cooperativa integrada á súa vez por máis de 40 cooperativas (Feiraco, Martin Codax...) de todo o norte de España (Asturias, cantabria e Galicia) con máis de 17.000 asociados,é de premio. Así valorou o xurado a web é delagro.com e a empresa desarrolladora: DESOÑOS (Vigo)

http://www.delagro.org/
http://www.desonhos.net/

MENCIÓNS DE HONRA

Mellor evento de Networking Galego

O xurado, polo seu espléndido labor á hora de pór en contacto profesionais e interesados en Internet, cloud computing, novas tecnoloxías, de forma espontánea e xestionado a través das redes sociais sen ningún tipo de restrición nin formalismo de carácter asociativo, concedeu a Mención de Honra ao mellor evento de networking galego a: laconnetwork

http://laconnetwork.com/

Mellor Medio de Comunicación de Difusión do TIC

O programa Banda Ancha da CRTVG

O programa da radio galega que versa sobre as novas tecnoloxías dirixido cun saber facer exemplar por Xosé María Fernández Pazos, sendo unha das persoas que máis leva traballado pola difusión de Internet e as novas tecnoloxías na sociedade galega, que xunto a aposta da CRTVG porque os seus contidos sexan transmedia e multiplataforma foi considerado merecedor desta mención de honra.

http://www.crtvg.es/rg/programas/banda-ancha

Mellor Institución Pública comprometida co TIC

O traballo desenvolvido pola Deputación de Pontevedra e o seu equipo de excelentes profesionais do servizo de Novas Tecnoloxías en canto á difusión do TIC e a posta ao día da administración electrónica na provincia con proxectos como eDepo, a administración nun CLICK, depoTIC a tecnoloxía nas túas mans ou REPOBOAR, vivas onde vivas sempre conectado, entre outros, é merecedor a xuízo do xurado da mención de honra.

http://www.depontevedra.es/