Premios promovidos pola Asociación Galega de Empresas TIC AGESTIC co apoio da Xunta de Galicia, Universidade de Vigo - Escola Superior de Enxeñería Informática e o Grupo Femxa.
Poden participar as empresas tecnolóxicas galegas, de Internet ou que desenvolvan proxectos/productos/servicios 2.0 ou contidos dixitais.
Mellor start-up galega
Empresa constituída a partir do 1 de Xaneiro de 2010, altamente tecnolóxica e innovadora. Valorarase o grao de novidade do produto/servizo tecnolóxico, de Internet ou contidos dixitais desenvolvido ou prestado, o seu crecemento exponencial, a visión global, as posibilidades de expansión internacional, o ambiente de traballo, igualdade de xénero, promoción da sustentabilidade e os valores sociais.
As candidaturas desta categoría deben centrarse en explicar as características da empresa, podendo comentar brevemente os proxectos nos que participa. Por exemplo, recoméndase incluír: ano de constitución da empresa, número de socios, número de traballadores (proxección), financiamento privado (business angels, capital risco...) ou financiamento público (subvención...), breve descrición do produto/servizo, viabilidade económica, ambiente de traballo (horario laboral, flexibilidade, igualdade de xénero...), ámbito de actuación (Galicia, España, mundial...), posibilidades de internacionalización, etc.
Mellor emprendedor/a galego/a TIC 2.0
Premio ao galego ou á galega líder que día a día, xunto ao seu equipo, saca adiante un proxecto empresarial tecnolóxico (non é requisito que a empresa estea radicada en Galicia.). Non hai límite de idade.
As candidaturas desta categoría deben centrarse en explicar a biografía profesional. Recoméndase incluír: ligazóns a webs persoais ou sitios sociais: redticos, linkedin, twitter...
Mellor desenvolvemento 2.0
Premio á PEME galega responsable do desenvolvemento 2.0 (redes sociais, comercio electrónico, e-learning, xogos sociais e calquera outro proxecto tecnolóxico que implique a participación directa do usuario final) que sexa considerado o mellor feito en Galicia no 2011 ou 2012.
As candidaturas desta categoría deben centrarse en describir o proxecto, explicar con que tecnoloxía/linguaxe desenvolveuse, xestión de usuarios, estatísticas, crecemento... Recoméndase incluír: ano de posta en marcha, modelo de negocio, ...
Mellor aplicación para dispositivos móbiles
Premio á PEME galega responsable do mellor software, da mellor aplicación para dispositivos móbiles, desenvolvido no 2011 ou 2012.
As candidaturas desta categoría deben centrarse en describir o proxecto, explicar con que tecnoloxía/linguaxe desenvolveuse, xestión de usuarios, estatísticas, plataforma ou plataformas para as que se realizou (android, iOS, etc)... Recoméndase incluír: ano de posta en marcha, modelo de negocio, ...
Mellor desenvolvemento deseño web
Premio á PEME galega responsable do mellor deseño/desenvolvo web do ano 2011 e 2012, valorarase a creatividade, usabilidade e accesibilidade do sitio. Imprescindible que estea on-line e que se permita ao xurado o acceso como usuarios (en caso de plataformas pechadas).
Mellor evento de Networking Galego, Mellor Medio de Comunicación de Difusión das TIC e Mellor Institución Pública comprometida activamente coas TIC
Outorgadas polo xurado, polo seu labor intensivo e frutífero de impulso da Sociedade da Información.
