Premios Innova-G

GALEBOOK

novos DISPOSITIVOS, novos FORMATOS, novos EDITORES

Somos unha empresa de servizos lingüísticos no ámbito dixital, nacida nos viveiros de empresa da Universidade da Coruña. Colaboramos en proxectos de lingua e novas tecnoloxías e creamos e publicamos contidos dixitais co selo Edicións Galebook. Acabamos de publicar o noso primeiro libro electrónico As Trovas de Midas de Diana Varela Puñal.

quen somos?

Pilar López Esperante, Estela Mosqueira Suárez, María Prol Conde e Felipe García Fandiño, un equipo formado por catro filológos, especializados no uso das novas tecnoloxías aplicadas á lingua e con experiencia nos seguintes campos:

• Lingüística Computacional e enxeñaría da lingua

• Editorial

• Educativo

• Dixitalización e documentación de textos

que facemos?

• LIBROS ELECTRÓNICOS (ebooks) en lingua galega.

• CONTIDOS EDUCATIVOS DIXITAIS trilingües.

• Print on demand.

E aínda que ofrecemos outros servizos lingüísticos e editoriais, o noso é a creación e edición de contidos dixitais para os ámbitos literario, educativo ou profesional. Publicamos estes contidos baixo o selo Edicións Galebook e adaptámolos aos diferentes formatos electrónicos para que sexan compatibles cos novos dispositivos que aparecen no mercado.

contra os tópicos!

Ante a idea de que a docencia é a principal saída laboral para os licenciados e licenciadas en Humanidades e de que a maioría dos emprendedores son homes, nós optamos pola nosa especialización e o autoemprego. O 12 de xullo de 2010 emprendemos este proxecto empresarial e estamos orgullosos de emprender

• en feminino

• desde as Humanidades

• poñendo as TIC ao servizo da lingua e da cultura

Preocúpanos a nosa responsabilidade social como empresa e desde as nosas posibilidades traballamos en igualdade de xénero e de oportunidades, conciliando o noso traballo coa nosa vida familiar; os nosos produtos respectan o medio ambiente e normalizan a nosa lingua e a nosa cultura na SI (Sociedade da Información).

 cal é a nosa achega? 

• Dinamizamos a creación de cultura e fomentamos o seu acceso e consumo a través das novas tecnoloxías.

• Coñecemos as novas plataformas de comunicación e utilizamos as TIC para impulsar con eficiencia a difusión de obras e autores en lingua galega.

• Aportamos un valor engadido ao proceso de ensinanza-aprendizaxe creando e publicando material educativo dixital.

cal é a nosa traxectoria?

• Desde o ano 2010 estamos no viveiro de empresas da Universidade da Coruña. E agora somos Empresa asociada á UDC.

• Gañamos o X Concurso de proxectos empresariais innovadores da USC, na categoría de muller emprendedora.

• Temos a cualificación de Iniciativa Empresarial de Base Tecnolóxica (IEBT) da Xunta de Galicia.

Ata o momento este proxecto está financiado polo capital dos socios; como IEBT, podemos optar a axudas cofinanciadas pola Xunta de Galicia e Fondos Europeos. Non descartamos a posibilidade de ampliar capital coa axuda de capital risco.

Queremos ir!

Entre os nosos proxectos figura unha liña editorial para a tradución, edición e publicación de obras e autores galegos ao inglés. Ampliar a distribución dos nosos libros en plataformas multinacionais de venta. Investir na creación dunha ferramenta propia para o deseño de material educativo dixital.